رازِ دل آشکار آنکھوں میں
حشر کا انتظار آنکھوں میں
وہ بھی ہو گا کسی کا نُورِ نظر
جو کھٹکتا ہے خار آنکھوں میں
لے کے اپنی نگاہ میں قُلزم
آ، مِری ریگزار آنکھوں میں
کچھ بگولے سے رقص کرتے ہیں
کچھ گریباں کے تار آنکھوں میں
رہ گئی کان میں صدائے جرس
کارواں کا غبار آنکھوں میں
چھوڑ کر چل دیا ہے عہدِ جنوں
اک حسیں یادگار آنکھوں میں
ابرِ رحمت مِری نظر سے گزر
جل رہے ہیں چنار آنکھوں میں
مجھ کو جو کچھ ملا، مِری قسمت
تُو ہے کیوں شرمسار آنکھوں میں
رات کیسے بسر ہوئی واصفؔ
دن کو ہے کیوں خمار آنکھوں میں
واصف علی واصف
حشر کا انتظار آنکھوں میں
وہ بھی ہو گا کسی کا نُورِ نظر
جو کھٹکتا ہے خار آنکھوں میں
لے کے اپنی نگاہ میں قُلزم
آ، مِری ریگزار آنکھوں میں
کچھ بگولے سے رقص کرتے ہیں
کچھ گریباں کے تار آنکھوں میں
رہ گئی کان میں صدائے جرس
کارواں کا غبار آنکھوں میں
چھوڑ کر چل دیا ہے عہدِ جنوں
اک حسیں یادگار آنکھوں میں
ابرِ رحمت مِری نظر سے گزر
جل رہے ہیں چنار آنکھوں میں
مجھ کو جو کچھ ملا، مِری قسمت
تُو ہے کیوں شرمسار آنکھوں میں
رات کیسے بسر ہوئی واصفؔ
دن کو ہے کیوں خمار آنکھوں میں
واصف علی واصف
No comments:
Post a Comment