Tuesday 26 March 2013

یہ موسم گل گرچہ طرب خیز بہت ہے

یہ موسمِ گُل گرچہ طرب خیز بہت ہے
احوالِ گل و لالہ غم انگیز بہت ہے
خوش دعوت یاراں بھی ہے یلغارِ عدُو بھی
کیا کیجئے دل کا جو کم آمیز بہت ہے
یوں پیرِ مغاں شیخِ حرم سے ہوئے یکجاں
مے خانے میں کم ظرفئ پرہیز بہت ہے
اِک گردنِ مخلوق جو ہر حال میں خم ہے
اِک بازوئے قاتل ہے کہ خوں ریز بہت ہے
کیوں مشعلِ دل فیضؔ چھپاؤ تہِ داماں
بُجھ جائے گی یوں بھی کہ ہوا تیز بہت ہے

فیض احمد فیض

No comments:

Post a Comment