الیکشن آنے والے ہیں
سمجھ میں کچھ نہیں آتا
ہم اپنا ووٹ کس کو دیں؟
کوئی قاتل، کوئی رہزن
کوئی ڈیزل، کوئی انجن
کہیں ہیں نان قیمے کے
کوئی تختِ ہوا پر ہے
کوئی فرشِ خدا پر ہے
کسی کا فلسفہ اپنا
کسی کا مسئلہ اپنا
عوام الناس کا لیکن
کسی کو غم نہیں کوئی
سبھی کی اپنی منطق ہے
بس اپنی فکر لاحق ہے
تمہاری کون سنتا ہے
ہماری کون سنتا ہے
سو، اس عالم میں برحق ہے
عوام الناس یہ سوچیں
ہم اپنا ووٹ کس کو دیں؟
اعتبار ساجد
No comments:
Post a Comment