Saturday 14 July 2018

گزر گئی حد سے پائمالی عتاب ترک کلام کب تک​

گزر گئی حد سے پائمالی، عتابِ ترکِ کلام کب تک​
رہے گی مسدود اے سِتمگر! رہِ پیام و سلام کب تک​
بہت ستاتی ہے اس کی دوری، تلافئ غم بھی ہے ضروری​
ہو جلد صبحِ وصال یا رب، رہے گی فُرقت کی شام کب تک​
قفس میں صیاد بند کر دے، نہیں تو بے رحم چھوڑ ہی دے​
میانِ امید و بیم آخر، رہیں گے ہم زیرِ دام کب تک​
اگرچہ خود دلفگار بھی ہیں، مگر تغافل شعار بھی ہیں​
وہ کر چکے تجھ پہ لطف حسرت، یہ آرزوئے خام کب تک ​
حسرت موہانی​

No comments:

Post a Comment