Friday 15 February 2019

قلم کی نوک جہاں کامیاب ٹھہرے گی

قلم کی نوک جہاں کامیاب ٹھہرے گی
لہو لکیر، خطِان قلاب ٹھہرے گی
کبھی تو ہجر زدوں کا نصیب جاگے گا
کبھی تو آنکھ گنہگارِ خواب ٹھہرے گی
کسی کے ہاتھ تو لگنا ہے اشکِ خونیں کو
کسی کنارے تو شاخِ گلاب ٹھہرے گی
غبار آنکھ میں اڑتا رہے تو اچھا ہے
یہ نہر ورنہ کسی دن چناب ٹھہرے گی
اس آئے روز کی یوگا کا فائدہ بیدلؔ؟
یہ عمر جتنی بڑھے گی، عذاب ٹھہرے گی

بیدل حیدری

No comments:

Post a Comment