قہر ہے موت ہے قضا ہے عشق

قہر ہے موت ہے قضا ہے عشق

سچ تو يہ ہے بری بلا ہے عشق

اثرِ غم ذرا بتا دينا

وہ بہت پوچھتے ہيں کيا ہے عشق

آفت جاں ہے کوئی پردہ نشيں

مِرے دل ميں آ چھپا ہے عشق

کس ملاحت سرشت کو چاہا

تلخ کامی پہ با مزا ہے عشق

ہم کو ترجيح تم پہ ہے يعنی

دلرہا حسن و جاں رہا عشق

ديکھ حالت مِری کہيں کافر

نام دوزخ کا کيوں دھرا ہے عشق

ديکھیے کس جگہ ڈبو دے گا

ميری کشتی کا ناخدا ہے عشق

آپ مجھ سے نباہيں گے سچ ہے

با وفا حسن بے وفا ہے عشق

قيس و فرہاد وامق و مومنؔ

مر گئے سب ہی کيا وبا ہے عشق

مومن خان مومن