جفائیں دور تک جاتی ہیں کم آباد شہروں میں
وفائیں دور تک جاتی ہیں کم آباد شہروں میں
بہاریں دیر تک رہتی ہیں کم آباد قریوں میں
خزائیں دور تک جاتی ہیں کم آباد شہروں میں
صدا ہنسنے کی ہو افسوس کی یا آہ بھرنے کی
اندھیرا جب گھنا ہو تو چراغِ راہِ ویراں کی
شعاعیں دور تک جاتی ہیں کم آباد شہروں میں
منیرؔ آباد شہروں کے مکینوں کی ہوا لے کر
ہوائیں دور تک جاتی ہیں کم آباد شہروں میں
منیر نیازی
No comments:
Post a Comment