نئے چراغ لیے شامِ بے کسی آئی
کہ دل بجھا تو ستاروں میں روشنی آئی
جنونِ شوق نے پہنچا دیا کہاں مجھ کو
نگاہِ دوست بھی اکثر تھکی تھکی آئی
ہمارے پاس کہاں آنسوؤں کی سوغاتیں
جہانِ دار و رسن ہو کہ بزمِ شعر و ادب
ہمارے سامنے اپنی ہی زندگی آئی
تمہاری یاد کو آرام ِ جاں بنایا تھا
تمھاری یاد بھی لیکن کبھی کبھی آئی
ہزار رنگ دیئے جس نے زندگانی کو
اسی نظر سے محبت میں سادگی آئی
مِرے خلوص کا عالم نہ پوچھئے قابلؔ
شکستِ جام سے آوازِ زندگی آئی
قابل اجمیری
No comments:
Post a Comment