لب پہ کانٹوں کے ہے فریاد و بُکا تیرے بعد
کوئی آیا ہی نہیں آبلہ پا،۔۔ تیرے بعد
میرے دم تک ہی رہا ربطِ نسیم و رخِ گل
نکہت آمیر نہیں موجِ صبا،۔۔ تیرے بعد
اب نہ وہ رنگِ جبیں ہے نہ بہارِ عارض
چند سوکھے ہوۓ پتے ہیں چمن میں رقصاں
ہاۓ بے گانگئ آب و ہوا،۔۔ تیرے بعد
منہ دھلاتی نہیں غنچوں کا عروسِ شبنم
گرد آلود ہے کلیوں کی قبا تیرے بعد
آدمیت شکنی بھی تو نہیں کم انورؔ
ڈر ہے کچھ اور نہ ہو اسکے سوا تیرے بعد
انور صابری
No comments:
Post a Comment