فردِ عصیاں کو وہ سیاہی دے
جس کی وہ زلف بھی گواہی دے
بے اماں نیم جاں ہوں میری جاں
مجھ کو آغوشِ جاں پناہی دے
اپنی زلفوں کے سائے میں مجھ کو
ایک شب کی ستارہ جاہی دے
دل کے اجڑے نگر کو کر آباد
اس ڈگر کو بھی کوئی راہی دے
بخشنے والے گلرخوں کو جمال
مجھ کو سامانِ خوش نگاہی دے
مجھ کو نانِ جوِیں بنامِ علی
میرے دشمن کو مرغ و ماہی دے
مجرمِ عشق ہوں، مجھے صہباؔ
جو سزا دے وہ بے گناہی دے
صہبا اختر
جس کی وہ زلف بھی گواہی دے
بے اماں نیم جاں ہوں میری جاں
مجھ کو آغوشِ جاں پناہی دے
اپنی زلفوں کے سائے میں مجھ کو
ایک شب کی ستارہ جاہی دے
دل کے اجڑے نگر کو کر آباد
اس ڈگر کو بھی کوئی راہی دے
بخشنے والے گلرخوں کو جمال
مجھ کو سامانِ خوش نگاہی دے
مجھ کو نانِ جوِیں بنامِ علی
میرے دشمن کو مرغ و ماہی دے
مجرمِ عشق ہوں، مجھے صہباؔ
جو سزا دے وہ بے گناہی دے
صہبا اختر
No comments:
Post a Comment