تو وہ عہد رفتہ کی یاد ہے کہ نہ جس کو دل سے بھلا سکوں

تُو وہ عہدِ رفتہ کی یاد ہے کہ نہ جس کو دل سے بھُلا سکوں

میں وہ بھُولا بِسرا سا خواب ہوں، کہ کسی کو یاد نہ آ سکوں

کوئی پوچھتا ہے جو حالِ دل تو میں سوچتا ہوں کہ کیا کہوں

تِرا احترام ہے اس قدر،۔ کہ زبان تک نہ ہلا سکوں

یہ تِری جفا کی ہے انتہا، کہ تُو مجھ کو یاد نہ کر سکے

یہ مِری وفا کا کمال ہے کہ نہ تجھ کو دل سے بھُلا سکوں

مِرے جذبِ عشق کو کیا ہوا،۔ وہ کہاں گئی کششِ وفا

مجھے کوئی یاد کرے گا کیا جو تمہِیں کو یاد نہ آسکوں

حفیظ ہوشیار پوری