میں اس کا پیار پاؤں گا ایسے جناب من

 میں اس کا پیار پاؤں گا ایسے جنابِ من

صحرا میں بوند پڑتی ہے جیسے جناب من

میری یہ آنکھیں نیند سے اک عمر دور تھیں

میں خواب دیکھتا رہا کیسے جناب من

مجھ کو نشہ کسی کی سریلی ہنسی کا ہے

دوری بنائے رکھی ہے مے سے جناب من

جن کو خوشی کی انتہا کہتے ہیں سارے لوگ

مجھ کو بھی اشک چاہئیں ویسے جناب من

مجھ کو کسی کے ہجر نے ایسے نگل لیا

ثروت کو ریل کھا گئی جیسے جناب من

مبشر میو