وہ جو الفت کی بڑی سخت سزا دیتے ہیں
ایسے ظالم تو زمانے کو رلا دیتے ہیں
ہم نے مانگا ہی نہیں کچھ بھی وفاؤں کے سوا
"دیکھئے اہلِ محبت ہمیں کیا دیتے ہیں؟"
دل میں احساس کے قطرے نہیں باقی ان کے
خون آنکھوں سے ٹپکنے کی سزا دیتے ہیں
تھوڑی نفرت یا دغا اور جفاؤں کے سوا
ہم تہی دست کسی اور کو کیا دیتے ہیں
ایسے لوگوں کو مناسب ہے کیا رہبر کہنا
شر جو پھیلا کے اسے اور ہوا دیتے ہیں
شکیل قمر
No comments:
Post a Comment