صدیوں کے کہر میں بھی نہ جب باغباں ملے

 صدیوں کے کُہر میں بھی نہ جب باغباں ملے

بکھرے ہوئے وجود کو کیوں آشیاں ملے

جانے وہ آتشِ غمِ فرقت کو کیوں بھلا ؟

جس کو حصارِ دشت میں بھی سائباں ملے

نذرانہ اپنے شوق کا حاصل میں دے مجھے

مفقُود ہو گیا تو مجھے ملے کہاں ملے

یہ درد مجھ کو تیرے توسط سے ملا ہے

اب انتظار ہے کہ اسے بھی زباں ملے

اکثر وہ میرے کام پہ بد ظن رہا، مگر

مجھ بے اماں سے بارہا اس کو اماں ملے

وہ خواب دفن کر گیا سانسوں کی خاک میں

تعبیر کا جلا بھی گیا تن، دھواں ملے

سنبھلے ہوئے ہیں درد کے پاؤں وجود پر

یونس دلِ گداز کے یہ پاسباں ملے

یونس ڈار