مِرے کوزہ گر مجھے مان دے
مجھے اپنے ہاتھ سے جام دے
مِرے دل کی دھرتی پہ دھر قدم
مجھے تو حسین سا نام دے
مجھے اپنے عہد میں باندھ لے
مجھے صندلیں سا پیام دے
مجھے آئینوں میں سجا کے رکھ
مِرے نقش و پا کو دوام دے
مِرے ہاتھ پر تو حنا لگا
مجھے سرخ سرخ سی شام دے
مِرا ہاتھ تھام لے عرش تک
مجھے اپنے ساتھ یوں بام دے
مجھے اپنے دل کا مکیں بنا
مجھے اپنا دل تہِ دام دے
مجھے کہکشاں کا سراغ دے
مجھے لا کے ماہِ تمام دے
حرا زرین
No comments:
Post a Comment