اک آرزوئے سفر دوسرے پہ ختم نہیں

 اک آرزوئے سفر دوسرے پہ ختم نہیں

ہمارا بوجھ کسی مرحلے پہ ختم نہیں

چراغ اپنی جگہ معتبر حوالہ سہی

مگر یہ تِیرہ شبی واسطے پہ ختم نہیں

لپکتے روح کی رفتار دیکھتا ہوں میں

مِرا وجود کسی مقبرے پہ ختم نہیں

ہوس حصولِ نمو کے لیے سُلگتی ہے

تو آرزوئے بدن سر پھرے پہ ختم نہیں

چراغ گھر کے در و بام پر لپکتے ہیں

یہ سلسلہ تو کسی سلسلے پہ ختم نہیں

تِری جدائی مِری جان مانگتی ہے رفیق

یہ بات صرف مِرے حوصلے پہ ختم نہیں

رفیق لودھی