ظلمت کا یہ طویل سفر آخری نہ ہو

 ظُلمت کا یہ طویل سفر آخری نہ ہو 

اس پار تیرگی کے کہیں روشنی نہ ہو

دونوں طرف کا پاس کرایہ تو رکھ لیا 

دل ہے وہاں سے اپنی کبھی واپسی نہ ہو

کر کر کے تھک گئی ہے اشارے ہماری آنکھ

واللّہ کوئی آپ سا کم فہم بھی نہ ہو

بچنا ہے ہم کو عشق سے پر بچ نہیں رہے

ہم کو ہماری موت ہی للکارتی نہ ہو

کرتے ہیں پیش ناز سے دُشنام اور پھر

کہتے ہیں پیشکش یہ کہیں آخری نہ ہو

بارش ہوئی تو اپنا بدن ٹُوٹنے لگا

اتنا بھی اب وجود شفق کاغذی نہ ہو

عائشہ شفق