زلف پیچاں آشکارا بام پر اس نے کیا

 زلفِ پیچاں آشکارا بام پر اس نے کیا

مجھ کو اپنے آپ سے کل بے خبر اس نے کیا

بزمِ الفت میں بلا کر بے قدر اس نے کیا

جو کبھی سوچا نہ تھا وہ کل مگر اس نے کیا

آشنا اس راز سے اب تک ہوا یا رب نہیں

کیا مقدر نے مجھے یا در بہ در اس نے کیا

دل جلانے کے لیے مجھ کو بلا کر غیر کا

نام مہندی سے رقم خود ہاتھ پر اس نے کیا

میں پشیماں جب ہوا اپنی خطاؤں پر بہت

دیکھ کر مری نگاہیں در گزر اس نے کیا

میں جس سے اپنا سمجھ کرہر خوشی دیتا رہا

وار چپکے سے مری ہی جان پر اس نے کیا

حیف صد افسوس دشمن پر کرو عارف سبھی

قتل سے توبہ مرا سر کاٹ کر اس نے کیا

جاوید عارف