کس سے کہوں دل کا بیاں تیرے سوا میرے خدا
کوئی نہیں سنتا یہاں تیرے سوا، میرے خدا
تیرے کرم سے میرا دم تیری عطا میرا حشم
میرا نہیں نام و نشاں تیرے سوا میرے خدا
کس نے زمیں کو گل دئیے، سنگ و شرر پیدا کیے
کس نے بنایا آسماں تیرے سوا میرے خدا
کس سے کروں میں التجا آیا ہے مشکل مرحلہ
اپنا نہیں ہے پاسباں تیرے سوا میرے خدا
تُو جانتا ہے ان کہی، تُو مانتا ہے ان کہی
کس کو بناؤں رازداں تیرے سوا میرے خدا
جان کاشمیری
No comments:
Post a Comment