اک خلش ہے مرے باہر مری دم ساز گری

 اک خلش ہے مِرے باہر مِری دمساز گِری

کس بلندی پہ تھی جس دم مری پرواز گری

میری دہلیز پہ رکھا ہے کچھ انگاروں سا

میرے آنگن میں بھی جُھلسی ہوئی آواز گری

کسی اعزاز پہ اب سکۂ‌ دل کیا اُچھلے

اس تواتر سے میاں! قیمتِ اعزاز گری

اب بھلا کون کرے چاک گریبانِ جنوں

عظمتِ زُلف گھٹی، چشمِ کنول ناز گری

عشق نے معجزہ اس طرح دکھایا امجد

حُسن کے ہاتھ سے شمشیرِ شرر باز گری

غفران امجد