اک پیکر خیال کا دھوکہ نگل گیا

 اک پیکرِ خیال کا دھوکا نگل گیا

ہم کو ہمارے شوق کا غلبہ نگل گیا

وہ آگ کوزہ گر نے بھری تھی خمیر میں

مجھ کو مِرا جنون ہی زندہ نگل گیا

مبہوت ہو کے رہ گٸی تاریخ رزم گاہ

باطل کو اک حسینؑ کا سجدہ نگل گیا

وہ آفتاب تھا میں کہ تابانیاں نہ پوچھ

یہ تو کسی کے ہجر کا صحرا نگل گیا

کہتے ہیں ایک شخص کو منزل نہ مل سکی

اس کو سفر میں ہی کوٸی رستہ نگل گیا

باسم یہ دشتِ عشق ہے تجھ کو خبر نہیں

یہ دشت کیسا کیسا سراپا نگل گیا

آفتاب باسم