ہم آخرت کے راہی

 ہم آخرت کے راہی

دنیا سے جی چرا کر عقبیٰ سے دل لگا کر

اپنوں سے دور جا کر خوں جگر جلا کر

ہم دے چلے جہاں میں توحید کی گواہی

ہم آخرت کے راہی

طارق کی پیروی میں پس قدمیاں بھلا کر

کودے تھے ساحلوں پر ہم کشتیاں جلا کر

بے نور گھاٹیوں کی ہم سے چھٹی سیاہی

ہم آخرت کےراہی

رب سے کیا تھا وعدہ جنت کا تھا ارادہ

مرنے کی جستجو تھی جینے سے بھی زیادہ

تثلیث کی صفوں میں ہم سے مچی تباہی

ہم آخرت کے راہی

حاصل جمہوریت کا، انسان کی ترقی

ارواح کا تنزل ابدان کی ترقی

ہم چاہ تو سکتے تھے لیکن نہ ہم نے چاہی

ہم آخرت کے راہی

اک شہرِ بے اماں میں مسکن رہا ہمارا

بے خانماں سہی پر ہم نا تھے بے سہارا

ہوتے نہیں ہیں تنہا اللہ کے سپاہی

ہم آخرت کے راہی

پہلے بھی اٹھے طوفاں ان یورپی ندیوں سے

جنگِ صلیب جاری ہے آج بھی صدیوں سے

افغان سے بھی لیکن چھوٹی نہ کج کلاہی

ہم آخرت کے راہی

عشرت سے کیسے گزرے جب دیں پہ آنچ آئے

یہ سر ہو دوش پر کیوں. یہ جان کیوں نہ جائے ؟

حق جانتا ہے کس نے کیسے وفا نباہی

ہم آخرت کے راہی

ہم رحمتِ جہاں کی پیرو ہوں نرم خو ہوں

نفرت کے دشت وبن میں الفت کی جستجو ہوں

ہم امتِ نبیﷺ پر ہوں رحمتِ الہی

ہم آخرت کے راہی

جس جا کہے شریعت ہم سربکف وہاں ہوں

حق روک دے جو لیکن رک جائیں ہم جہاں ہوں

ہم کو نہ ہو گوارا اسلام کی تباہی

ہم آخرت کے راہی​

احسن عزیز مرزا