جھیل کنارے چھم چھم کرتی اجلی بانکی ناروں پر
من کا سودا کر بیٹھے افسوس تِرے بنجاروں پر
یورپ میں ہم درویشوں نے درویشی کو دان کیا
سنگل کھائے، زہر پیا اور لوٹے پھر انگاروں پر
کل شب پھونکا کیسا جادوگر ہوں پر ان ناگوں نے
جسم جلے طنبورے باجے اوس گری بازاروں پر
صدیاں بیتی یسوع کو ان سنگینوں پر گاڑے ہوئے
کالے ڈھوڈھر کوے چیخے گرجوں کے میناروں پر
ریچھوں سے تھے جثے ان کے بھوتوں جیسے بھیس
برف گری تو پریاں اتریں دور انہیں کہساروں پر
گروی رکھا عہد وفا پھر سات سمندر پار چلے
تنہا بیٹھ کے خوب ہنسے ہم اپنے سانجھے داروں پر
عرش سے اتری ڈاچی پتھر دل والوں سے ہار گئی
سنگ تراشوں کی وہ بستی ریت ہوئی انگاروں پر
شعیب افضال
No comments:
Post a Comment