یا دن کی باتیں ہوتی ہیں یا رات کی باتیں ہوتی ہیں
یہ دنیا ہے، اس دنیا میں ہر بات کی باتیں ہوتی ہیں
دن رات تمہاری محفل میں دن رات کی باتیں ہوتی ہیں
کچھ بات نہیں ہوتی لیکن، بے بات کی باتیں ہوتی ہیں
جِس بات کی باتیں ہوتی ہیں اس بات کی کوئی بات نہیں
جِس بات کی کوئی بات نہیں اس بات کی باتیں ہوتی ہیں
جِس بات پہ اتنی بات بڑھی اس بات میں کوئی بات نہ تھی
جب بات پہ بات آ جاتی ہے تب بات کی باتیں ہوتی ہیں
منور بدایونی
No comments:
Post a Comment