واہ کیا جلوۂ اعجاز تھا جانا آنا

عارفانہ کلام نعتیہ کلام

واہ کیا جلوۂ اعجاز تھا جانا، آنا

شبِ اسرا میں عجب راز تھا جانا آنا

دیکھ اس جلوۂ رفتار کو حیراں تھے مَلک

حیرتِ دیدۂ پرواز تھا جانا، آنا

عرش و کرسی سے گئے دور کروڑں منزل

کیا ہی ممتاز سر افراز تھا جانا، آنا

ساعتِ چند میں دیکھو تو کہاں تک پہنچے

حق کے محبوبﷺ کا اک ناز تھا جانا آنا

ایسی معراج بھلا کس کو ملی ہے کافی

دلربائی میں اک انداز تھا جانا آنا

کافی مرادآبادی

 کفایت علی کافی