عارفانہ کلام نعتیہ کلام
کتابوں میں ہوتے فسانے میں ہوتے
اگر ہم بھی تیرےؐ فسانے میں ہوتے
تِرےؐ اک اشارے، تِریؐ اک صدا پر
دل و جان تجھؐ پر لٹانے میں ہوتے
کہ طائف کو ہم بھی تِرےؐ ساتھ جاتے
تِرےؐ دشمنوں کے نشانے میں ہوتے
ہم آنکھیں بچھاتے تِرےؐ راستوں میں
تِریؐ خاکِ پا کے خزانے میں ہوتے
لگا دیتے دل اپنا پتھر کے بدلے
اگر تیریؐ مسجد بنانے میں ہوتے
حسان ابن ثابت سے اصلاح لیتے
ہنر اپنا آزمانے میں ہوتے
نعیم اپنی کب سے یہی آرزو تھی
کہ ہم نعت کہنے سنانے میں ہوتے
نعیم ضرار
No comments:
Post a Comment