موجۂ ریگِ رواں کی ہے عناں گیر صبا
سُوئے گلزار چلی از رہِ تسخیر صبا
ہم پئے لطفِ بہاراں جو چمن گیر ہوئے
ہر گُلِ بستہ کے سینے پہ تھا تحریر صبا
میرے آوازۂ اقبال پہ حیراں کیوں ہو؟
شمعِ شہرت کی مری کرتی ہے توقیر صبا
سرمۂ چشمِ غزالاں کی قدم بوسی کو
عازمِ دشت ہوئی صورتِ زنجیر صبا
میں نہیں داد طلب اپنے ہنر کا دائم
میرے افکار کی کرتی تو ہے تشہیر صبا
غلام مصطفیٰ دائم
No comments:
Post a Comment