عارفانہ کلام نعتیہ کلام
حِصارِ لطف و کرم میں وجود ہوتا ہے
کہ میرے لب پہ ہمیشہ درودﷺ ہوتا ہے
وہ جس کو عشقِ محمدؐ کی لاگ لگ جائے
وہ ماورائے حدود و قیود ہوتا ہے
کوئی پڑھے نہ پڑھے ہاں مگر، بوقتِ صلٰوۃ
ہر ایک شخص پہ لازِم درودﷺ ہوتا ہے
میں حرف حرف محبت پِرو کے لکھتی ہوں
کچھ ایسے نعت کا مجھ پر ورود ہوتا ہے
یہ انتہائے محبت ہی ہے حنا کوثر
خیال اُنؐ کا ہی وقتِ سجود ہوتا ہے
حنا کوثر
No comments:
Post a Comment