زیست کو خواب نہیں ایک حقیقت کیجے
نا کہ خوابوں میں سفر کرنے کی حسرت کیجے
شمعِ امید کو تنویر کی صورت کیجے
سینچ کر خون سے گلستاں کی حفاظت کیجے
گو کہ دشوار ہے دشمن سے بھی الفت کرنا
دل کو پتھر نہیں بس موم کی صورت کیجے
دے کے غم اپنی جدائی کا بھی ہم کو جاناں
دل کے صحرا میں ہمارے یوں نہ وحشت کیجے
رات تو بیت گئی اپنی ستارے گِنتے
شبِ مہتاب میں یادوں کو عبارت کیجے
”٭“ہو میرا کام غریبوں کی حمایت کرنا
پیر و طِفل اور فقیروں سے بھی شفقت کیجے
دل تو ٹوٹا ہے درخشاں یہ ہمارا لیکن
کوئی شکوہ نہ شکایت، نہ عداوت کیجے
درخشاں صدیقی
٭ مصرع تضمین (علامہ اقبال)
No comments:
Post a Comment