نہ ملنے والوں سے کوئی سوال مت کرنا
بھلانے والوں سے کوئی سوال مت کرنا
جنہوں نے خواب میں رکھا اُنہیں دعا دینا
جگانے والوں سے کوئی سوال مت کرنا
نہ جانے کتنی ہی پرتیں کُھلیں گی باتوں کی
بہکنے والوں سے کوئی سوال مت کرنا
دیا جلاتے ہووں کی خوشی میں خوش ہونا
بجھانے والوں سے کوئی سوال مت کرنا
نہ جانے کتنی گھٹن دل میں پھنپھناتی ہو
سو ہنسنے والوں سے کوئی سوال مت کرنا
شکستہ پائی کا دُکھ پوچھنے سے بڑھتا ہے
پلٹنے والوں سے کوئی سوال مت کرنا
ولید ولی
No comments:
Post a Comment