بام امید سے پھر ایک اشارہ ہوا ہے

بامِ اُمید سے پھر ایک اشارہ ہُوا ہے

چشمِ بے خواب میں روشن کوئی تارہ ہوا ہے

تلخئ غم کا فُسوں ہے کہ فسانہ نہ ہُوا

نشۂ تیز کو ہر گام خسارہ ہوا ہے

تیری خُوشبو سے مہکتا ہے جہانِ ہِجراں

دشتِ امکاں میں تیرا عکس اُتارہ ہوا ہے

سانس کی آمد و شُد وقفِ عذابِ غمِ دِہر

تیرے سر چاک تِری نظر گُزارہ ہوا ہے

ایک دُنیا ہے جو مِسمار ہوئی ہے سو بار

ایک عالم ہے جو تخلیق دوبارہ ہوا ہے

ارشد محمود ناشاد