اک نعت کہوں سیرت احمد سے سجا کر

 عارفانہ کلام حمد نعت مقبت

اک نعت کہوں سیرتِ احمدؐ سے سجا کر

اے ربِ محمدﷺ مجھے توفیق عطا کر

رب ایک ہے اس کا کوئی ثانی ہے نہ ہمسر

یہ بات بتائی ہمیں سرکارﷺ نے آ کر

کر میری مسیحائی مسیحائے زمانہ

حسنینؑ کے صدقے مجھے طیبہ میں بلا کر

یکبارگی دے اذنِ مدینہ مجھے ایسا

تا عمر نہ پھر سایہِ خضرا سے جدا کر

آساں ہو مرے واسطے سرکار کا رستہ

یا باری تعالیٰ مری مقبول دعا کر

اک نعت سناؤں تو نکیرین چلے جائیں

پروانہ مرے ہاتھ میں جنت کا تھما کر

مدحت کے گلاب آپ کی خاطر چنے آسی

گلدستہ بنا پیش کرے خلد میں جا کر

قمر آسی