بڑھے گا ہجر میں کچھ دن فشار خوں بھی بہت

 بڑھے گا ہجر میں کچھ دن فشارِ خُوں بھی بہت

اذیتوں کا ہمہیں تجربہ ہے یوں بھی بہت

تمہارے پاس جو رہتے ہیں، عمر بھر رہ لیں

ہمیں تو دیکھتے رہنے کا یہ سکوں بھی بہت

تمہیں اجالوں کی کتنی ہوس ہے، اور ہم سے

سیاہ بختوں کو کچھ دیر کا فسوں بھی بہت

اور اب تو ترکِ تعلق کے دن ہیں، وحشت ہے

شروعِ عشق میں طاری ہوا جُنوں بھی بہت

مِرے مزاج کے بارے میں پوچھنے والو

میں بد مزاج سی لگتی نہیں ہوں، ہوں بھی بہت

کومل جوئیہ