ہر چیز فنا ہو جاتی ہے

 کُشتنی

ہر چیز فنا ہو جاتی ہے

ہر چیز فنا ہو جائے گی

تن کا سونا، من کی چاندی

سانسوں کی کندن، خوں کہ لحن

تیرا وہ دمکتا پیراہن

میری وہ سُلگتی شامِ خُتن

یہ صبحِ وطن، یہ شامِ وطن

یہ بسط فلک، یہ صحنِ چمن

آنسو، انگارے، دل، دھڑکن

نفرت، الفت، ہر بُوئے سمن

ہر قصہ، قصۂ شیون تھا

ہر جام، شکستہ آئینہ

لیکن باقی رہ جاتی ہے

لیکن باقی رہ جائے گی

اس پار ازل سے آتی ہوئی

اس پار عدم کو جاتی ہوئی

مدھم مدھم مسرور ہوا

اکرام خاور