قومی یکجہتی
آؤ پھر شہر محبت کو بسایا جائے
بجھ گئے ہیں جو دِیے ان کو جلایا جائے
پیار کے نقش کو تابندہ بنایا جائے
دیش سے فرقہ پرستی کو مٹایا جائے
جس کے دامن میں مہکتے تھے اصولوں کے گلاب
دوستو! پھر وہی ماحول بنایا جائے
جن کے کردار بنیں عظمتِ انساں کے حریف
ایسے افسانوں کو اب بھول بھی جایا جائے
آؤ سب چلیں امن کا پرچم لے کر
فرقہ وارانہ فسادوں کو مٹایا جائے
چشتی و نانک و گوتم نے جو پیغام دیا
اے پیام اس پہ عمل کر کے دکھایا جائے
پیام سیہالوی
محمد شفیق
No comments:
Post a Comment