میں نے گلہ مطالبہ فریاد سب کیا

 میں نے گِلہ، مُطالبہ، فریاد سب کِیا

اس کو مگر جو کرنا نہ تھا اس نے کب کیا

بزمِ تصوّرات میں ان کو طلب کیا

میں نے یہ اہتمام تو جب چاہا تب کیا

چھوڑا کبھی نہ دامنِ اخلاق ہاتھ سے

دُشمن بھی گھر پہ آیا تو ہم نے ادب کیا

ہم ہر جگہ اصول کے پابند ہی رہے

پہلے کسی نے وار کیا ہم نے تب کیا

سب جانتے تھے کوئی مگر بولتا نہ تھا

اے راز! تم نے کہہ کے بتایا غضب کیا

غلام حسین راز بالاپوری