مٹی لذتِ داستاں کیا بتائیں
کہاں لڑکھڑائی زباں کیا بتائیں
محبت کی راہیں، ارے توبہ توبہ
بہر گام سو امتحاں کیا بتائیں
غمِ ہجر کی تلخیوں کو نہ پوچھو
غمِ ہجر کی تلخیاں کیا بتائیں
ذرا سے میں سب کوششیں عمر بھر کی
ہوئیں کس طرح رائیگاں کیا بتائیں
کسی بے نشاں کا نشاں پوچھتے ہو
کسی بے نشاں کو نشاں کیا بتائیں
جہاں بھی سہارا لیا راہبر کا
وہیں لٹ گیا کارواں کیا بتائیں
ہنسی اپنی سادہ دلی کی بھی عالم
اڑایا کیا یہ جہاں، کیا بتائیں
سید عالم واسطی
No comments:
Post a Comment