دل پر دل کا وار اگر ہو جائے تو

 آنکھوں کی تکرار اگر ہو جائے تو

دل پر دل کا وار اگر ہو جائے تو

میں تو اس کی پریم پجارن ہوں لیکن

اس کو مجھ سے پیار اگر ہو جائے تو

 دنیا داری ساری دل کی بدولت ہے

سوچو دل 💗بیمار اگر ہو جائے تو

دروازے بن جاتے ہیں دیواروں میں

دروازہ 🚪 دیوار اگر ہو جائے تو

مانا اپنے ہونٹوں کو سی لو گے تم

چہرہ ہی اخبار اگر ہو جائے تو

گھر سے باہر جا کر جشن مناؤ گے

گھر میں ہی تیوہار اگر ہو جائے تو

خوشبو سکسینہ