مرے اس شہر میں کیوں حسن ہے بازار کی وحشت

مِرے اس شہر میں کیوں حُسن ہے بازار کی وحشت

جہاں پر باعثِ شمشیر ہے دربار کی وحشت

مخاطب ہو کے یوں شامِ محبت سے مِری وحشت

مجھے کہتی تِرے چہرے پہ ہے بیکار کی وحشت

عجب ایسے جہاں میں جی رہا ہوں پوچھو مت صاحب

جلا دیتی جہاں فنکار کو فنکار کی وحشت

مِرا یہ عشق بھی چوسر کے مانند چھ کے آنے پر

نہیں جیتا گیا مجھ سے رہی پھر یار کی وحشت

وجہ غُربت تھی میرے اس کے دل میں سے نکلنے کی

وہاں پر یوں امارت تھی یہاں دلدار کی وحشت

مِری یہ عاشقی طوفان میں کب تک سلامت ہے

یہ چھت اب گرنے والی ہے وجہ دیوار کی وحشت

بہت سے شاعری مجموعے شائع ہو چکے ہیں پر

طلب ہوتی نہیں ان میں بیاں بیزار کی وحشت

نعیم طلب