یوں بھی باقی ہیں ابھی جِینے کے آثار مِرے
بسترِ مرگ سے اُٹھے ہیں کئی یار مرے
موجِ اِدراک سے سُورج کی شُعائیں پھُوٹیں
تو نظر آئے کچھ اندیکھے سے کِردار مرے
سینۂ شب پہ مچلتا ہے اُداسی کا بدن
ایک تصویر دِکھاتی یے یہ آزار مرے
ہر نظارے میں چُھپا بیٹھا ہے من کا درپن
کس طرح خُود کو سنبھالے تُو ہُشیار مرے
خواب بازار میں لایا ہوں تجارت کے لیے
سوچ کر کرنا ذرا "سودا" خریدار مرے
اپنی آنکھوں میں تِری پیاس لیے پھِرتا ہوں
اک نظر میری طرف دیکھ تو دِلدار مرے
میں نے لفظوں سے بُنا ہے یوں زمانے کا جال
غور کرنے پہ نظر آئیں گے اشعار مرے
شاہ رخ عبیر
No comments:
Post a Comment