جب ہر اک شورشِ غم ضبطِ فغاں تک پہنچے
پھر خدا جانے یہ ہنگامہ کہاں تک پہنچے
آنکھ تک دل سے نہ آئے نہ زباں تک پہنچے
بات جس کی ہے اسی آفت جاں تک پہنچے
کیا تعجب کہ مِری روح جواں تک پہنچے
پہلے کوئی مِرے نغموں کی زباں تک پہنچے
حسن کے نغمے بھی خاموش زباں تک پہنچے
اب تِرے حوصلے اے عشق یہاں تک پہنچے
میرے اشعار میں جو آگ بھری ہے اے کاش
تجھ کو راس آئے، تِرے غم جواں تک پہنچے
رہِ عرفاں میں اک ایسا بھی مقام آتا ہے
ہر یقیں بڑھ کے جہاں وہم و گماں تک پہنچے
اُف وہ کیفیتِ غم، آنکھ جسے دیکھ سکے
ہائے وہ درد کی لذت جو زباں تک پہنچے
جو زمانے کو برا کہتے ہیں خود ہیں وہ بُرے
کاش یہ بات تِرے گوش گراں تک پہنچے
ان کا جو فرض ہے وہ اہل سیاست جانیں
مِرا پیغام محبت ہے جہاں تک پہنچے
جلوے بے تاب تھے جو پردہ، فطرت میں جگر
خود تڑپ کر مِری چشم نگراں تک پہنچے
پھر خدا جانے یہ ہنگامہ کہاں تک پہنچے
آنکھ تک دل سے نہ آئے نہ زباں تک پہنچے
بات جس کی ہے اسی آفت جاں تک پہنچے
کیا تعجب کہ مِری روح جواں تک پہنچے
پہلے کوئی مِرے نغموں کی زباں تک پہنچے
حسن کے نغمے بھی خاموش زباں تک پہنچے
اب تِرے حوصلے اے عشق یہاں تک پہنچے
میرے اشعار میں جو آگ بھری ہے اے کاش
تجھ کو راس آئے، تِرے غم جواں تک پہنچے
رہِ عرفاں میں اک ایسا بھی مقام آتا ہے
ہر یقیں بڑھ کے جہاں وہم و گماں تک پہنچے
اُف وہ کیفیتِ غم، آنکھ جسے دیکھ سکے
ہائے وہ درد کی لذت جو زباں تک پہنچے
جو زمانے کو برا کہتے ہیں خود ہیں وہ بُرے
کاش یہ بات تِرے گوش گراں تک پہنچے
ان کا جو فرض ہے وہ اہل سیاست جانیں
مِرا پیغام محبت ہے جہاں تک پہنچے
جلوے بے تاب تھے جو پردہ، فطرت میں جگر
خود تڑپ کر مِری چشم نگراں تک پہنچے
جگر مراد آبادی
No comments:
Post a Comment