نعت رسول مقبولﷺ
جب تصور میں کبھی وہ رخِ زیبا دیکھوں
ایک خورشیدِ دوعالم کو دمکتا دیکھوں
اسم احمدؐ میرے ہونٹوں پہ رہے رقص کناں
موجزن دل میں اک انوار کا دریا دیکھوں
وقت آخر بھی تو مایوس نہ ہونے پاؤں
وا ہوں آنکھیں تو رہے پیشِ نظر بابِ حرم
بند آنکھیں کروں اور گنبدِ خضرٰی دیکھوں
تادمِ زیست شہابؔ ان کا پڑھوں میں کلمہ
قبر میں شمعِ محمدﷺ کا اجالا دیکھوں
شہاب دہلوی
No comments:
Post a Comment