خدا کرے مرے دل کو ٹک اک قرار آوے

خدا کرے مِرے دل کو ٹک اک قرار آوے

کہ زندگی تو کروں جب تلک کہ یار آوے

کمانیں اسکی بھوؤں کی چڑھی ہی رہتی ہیں

نہ جب تلک سرِ تیرِ ستم شکار آوے

ہمیں تو ایک گھڑی گل بغیر دو بھر ہے

خدا ہی جانے کہ اب کب تلک بہار آوے

اٹھی بھی گردِ رہ اسکی کہیں تو لطف ہے کیا

جب انتظار میں آنکھوں ہی پر غبار آوے

ہر ایک شے کا ہے موسم نہ جانے تھا منصور

کہ نخلِ دار میں حلق بریدہ بار آوے

تمہارے جوروں سے اب حال جائے عبرت ہے

کسو سے کہیئے تو اس کو نہ اعتبار آوے

نہیں ہے چاہ بھلی اتنی بھی دعا کر میؔر

کہ اب جو دیکھوں اسے میں بہت نہ پیار آوے

میر تقی میر