ہڈسن اور کورنگ
ہڈسن اور کورنگ کے بیچ
اک لمبی دوری
جانے کتنے دریا
کتنے صحرا اور سمندر
ان دونوں کی راہ میں حائل ہیں
دونوں میں پانی کا بہاؤ
اک جیسا ہے
دونوں ایک ہی رخ بہتے ہیں
پھر بھی کسی دوآبے
کسی بھی موڑ پہ آ کر مل نہیں پاتے
اور یہی تو دکھ ہے اپنا
جب تک دونوں
کسی بھی موڑ پہ نہیں ملیں گے
ہجر کے گھاؤ
زخم فراق کے نہیں سلیں گے
وصل کے غنچے
نہیں کھلیں گے
حسن عباس رضا
٭ ہڈسن: نیویارک کا دریا
٭٭ کورنگ: اسلام آباد کا دریا
No comments:
Post a Comment