مکمل تو کوئی دنیا نہیں ہے

مکمل تو کوئی "دنیا" نہیں ہے

کہیں دریا کہیں صحرا نہیں ہے

مجھے تم پیڑ سمجھے تھے مسافر

مگر، دیکھو مِرا سایا نہیں ہے

میسر دوستوں کے زندگی میں

ہیں بازو تو، کوئی کاندھا نہیں ہے

یہاں اس آنکھ میں آنسو بنائیں

یہاں پر اب کوئی سپنا نہیں ہے

ہماری "تشنگی" کا کیا کرو گے؟

تمہارے پاس بھی دریا نہیں ہے

اسے نفرت کے بھی آداب سارے

وہ بس "اپنا" مجھے کہتا نہیں ہے

ہے ضدی، ریشمی دھاگہ، محبت

الجھ جائے تو پھر سُلجھا نہیں ہے

یہ فوزی کو خبر ہے وہ کہیں ہو

فقط بچھڑا، مگر بھولا نہیں ہے

فوزیہ شیخ