ترا وحشی کچھ آگے ہے جنون فتنہ ساماں سے

 تِرا وحشی کچھ آگے ہے جنون فتنہ ساماں سے

کہیں دست و گریباں ہو نہ آبادی بیاباں سے

الٰہی جذبۂ دل کا اثر اتنا نہ ہو ان پر

پریشاں وہ نہ ہو جائیں مِرے حال پریشاں سے

قیامت ہے وہ آئے اور آتے ہی ہوئے واپس

یہ آثار سحر پیدا ہوئے شام غریباں سے

نظر والے سمجھ جائیں نہ عرش و فرش کی

تِرا دامن نہ چھو جائے کہیں میرے گریباں سے

عروج جوش وحشت سحر ہے یہ روز روشن میں

نظر آتے ہیں تارے روزن دیوار زنداں سے

سحر عشق آبادی