اتنے نادان تھے جنت کو بھی فانی سمجھا
داستانِ غمِ ہجراں کو کہانی سمجھا
دیکھ کر مجھ کو اندھیرے میں سرِ میخانہ
میکدے کا مجھے کچھ لوگوں نے بانی سمجھا
اس لیے زندہ رہا دشتِ ستم میں آ کر
میری نظروں نے سرابوں کو بھی پانی سمجھا
غم نہیں مجھ کو اجڑنے کا مگر دکھ یہ ہے
میرے جذبات کو لوگوں نے جوانی سمجھا
مجھ سے پوچھا ہی نہیں زیرِ لحد کوئی سوال
داغِ ماتم کو ملائک نے نشانی سمجھا
ماں کی چادر تھی کفن شمس کا سب جانتے ہیں
عرش والوں نے جسے بردِ یمانی سمجھا
شمس بلتستانی
No comments:
Post a Comment