رقم اتنی اکٹھی ہو گئی تھی

 رقم اتنی اکٹھی ہو گئی تھی

مگر وہ چیز مہنگی ہو گئی تھی

ہم اتنی گرمجوشی سے ملے تھے

ہماری چائے ٹھنڈی ہو گئی تھی

تمہارے بعد جتنا روئے تھے ہم

طبیعت اتنی اچھی ہو گئی تھی

سمجھ کر ہم دوائی پی گئے تھے

تمہاری بات کڑوی ہو گئی تھی

پلٹ آنا ہی بنتا تھا وہاں سے

ہمارے ساتھ جتنی ہو گئی تھی

ہوئی تھی دیر سے ہم کو محبت

ہماری جلد شادی ہو گئی تھی

سبھی محبوب اٹھ کر جا رہے تھے

کہانی اتنی لمبی ہو گئی تھی

خالد محبوب