یہاں برسات نے بھی دُکھ دئیے ہیں
اندھیری رات نے بھی دکھ دئیے ہیں
یہاں سب تبصرے کڑوے ہوئے پر
تمہاری بات نے بھی دکھ دئیے ہیں
فراق و ہجر نے توڑا ہے، لیکن
مکمل ساتھ نے بھی دکھ دئیے ہیں
یہاں صحراؤں نے بھی کرب بانٹے
یہاں باغات نے بھی دکھ دئیے ہیں
دکھوں کے گِرد آہیں محوِ گردش
سُکھی حالات نے بھی دکھ دئیے ہیں
مجھے کُندن بنانے کے لیے ہی
خدا کی ذات نے بھی دکھ دئیے ہیں
سِمٹ کر رہ گئی کاجل یہ دنیا
نئے آلات نے بھی دکھ دئیے ہیں
سمیرا سلیم کاجل
No comments:
Post a Comment