تِری حنائی ہتھیلی سے آشنا ہوں میں
بچھڑنے والے تِرے درد کی دوا ہوں میں
یہ واپسی تو نئی جنگ کا بگل ہے دوست
سمجھ کہ پھر سے تِری سمت آ رہا ہوں میں
سڑک کے پار مِرے پاؤں تھک کے رکنے لگے
کسی نے مجھ سے کہا تھا کہ؛ راستہ ہوں میں
جدائی راکھ ہوئی شام کے کنارے پر
کہ ہجر و وصل کی راتوں کا سلسلہ ہوں میں
اداس رات کو روشن کروں گا جل جل کر
کسی کے ہجر میں بجھتا ہوا دِیا ہوں میں
وقاص عزیز
No comments:
Post a Comment